MÜFTİ TACUDDİN ÇOXARVADLILIQ İDEYASINI DƏSTƏKLƏYİR
Onun fikrincə, bu, cəmiyyətin sabitləşməsi probleminin həllinə kömək edər, bir çox rusiyalı kişilərin nikahdankənar uşaqlarının, habelə atılmış uşaqların yeməklə və ata nəvazişi, qayğısı ilə təmin olunmasına imkan verərdi.
Müfti xatırlatmışdır ki, uşaq evlərindəki uşaqların üçdə iki hissəsinin canlı valideynləri var. Ölkədə onsuz da mövcud olan praktikanı qanunla məhdudlaşdırmaq lazımdır. Belə ki, bəzi oliqarxların hərəsinin 40 arvadı var. Onlar bu qadınlara görə məsuliyyət daşımalıdırlar. Çoxarvadlılığa qanunvericilik yolu ilə icazə verilməsi Rusiyada demoqrafik problemi həll etməyə imkan yaradar. Xatırladaq ki, yanvarın 13-də Ramzan Qədirov “Exo Moskvı” radiostansiyasının birbaşa efirində bildirmişdir ki, Çeçenistanda çoxarvadlılıq zəruridir, çünki bizdə müharibə gedir. Statistikaya görə, respublikamızda qadınlar kişilərdən 9-18 faiz çoxdur.
Ramzan Qədirovun özünün beş övladı - dörd qızı və bir oğlu var.
Bölmənin digər xəbərləri
