MÜSABİQƏ QALİBLƏRİ “JURNALİSTLƏRİN YAY MƏKTƏBİ”NDƏ İŞTİRAK EDƏCƏKLƏR
Bakı, 16 iyul (AZƏRTAC). “EKO -2010” Gənclər Koalisiyasının mətbuat xidmətindən AZƏRTAC-a verilən məlumatda bildirilir ki, “Ekologiya ili” çərçivəsində həyata keçirilən silsilə tədbirlərin davamı kimi 22 İyul-Milli Mətbuat Günü ilə əlaqədar jurnalistlərin məqalə müsabiqəsinə yekun vurulmuşdur. Yaxın günlərdə qaliblərin adları açıqlanacaqdır.
Müsabiqənin qalibləri “EKO-2010” Gənclər Koalisiyasının “Yaşıl Turizm Hədəfimizdir” layihəsi çərçivəsində iyulun 26-dan Nabrandakı “Palma İstirahət Mərkəzi”ndə “Jurnalistlərin Yay Məktəbi”ndə iştirak edəcəklər. Onlar yay məktəbində həmin regionun ətraf mühiti, ekologiyasının qorunması ilə bağlı aparılan işlərlə yaxından tanış olacaq, müvafiq mövzularda yazılar hazırlayacaqlar. Həmin yazılar iştirakçı jurnalistlərin çalışdıqları mətbuat orqanında nəşr olunacaqdır. Bu da “Yaşıl Turizm Hədəfimizdir” layihəsinin ən vacib şərtlərindən biridir.
Bölmənin digər xəbərləri
