MUZEYİN BAYRAM EKSPOZİYASI
Xalqımız əsrlər boyu fərəhli anlarını xalça naxışları ilə ifadə etmiş, əlamətdar hadisələrə həsr olunmuş xüsusi tətbiqi sənət əşyaları yaratmışdır. Xalçaçılar mavi səmanı, yaşıl çəmənləri, müqəddəs odun istisini xalçalara köçürmüşlər. Qırmızı rəng sevinc, şadyanalıq rəmzi olmuşdur. Bayramda döşəməyə yeddirəngli xalça salınır, üstünə yeddi cür ləziz yemək düzülürdü. Muzeyin əməkdaşları xalqımıza məxsus rəmzlərimizin sirlərini uşaqlara beləcə açıqlamışlar.
Muzeyin salonlarının birində uşaqların hazırladıqları əşyaların satış sərgisi təşkil olunmuşdur. Satışa toxunma əşyalar, keramika, taxta qaşıqlar, kiçik xalçalar və s. çıxarılmışdır.
18 və 189 nömrəli orta məktəblərin, Türk liseyinin şagirdləri tətbiqi sənət nümunələrini oradaca rəngləyirdilər.
Sonra ticarət işçiləri Mədəniyyət sarayının “Xonça” teatr kollektivinin, əməkdar artist Böyükağa Məmmədovun rəhbərliyi ilə oğlanlardan ibarət rəqs qrupunun və xalq artisti Təranə Muradovanın rəhbərliyi ilə qızlardan ibarət “Səyyah” rəqs ansamblının iştirakı ilə konsert olmuşdur.
Bölmənin digər xəbərləri
