Nağdsız ödənişlərin 3,596 milyon manatı elektron ticarətin payına düşür
Bakı, 26 sentyabr, AZƏRTAC
Ölkədaxili nağdsız əməliyyatların həcmi keçən ilin müvafiq dövrü ilə müqayisədə 2 dəfə artıb.
AZƏRTAC Mərkəzi Banka istinadla xəbər verir ki, 2023-cü ilin avqust ayı ərzində kartlar vasitəsilə həyata keçirilən ölkədaxili nağdsız ödənişlərin həcmi 4,509 milyon manat təşkil edib. Həyata keçirilən nağdsız ödənişlərin 3,596 milyon manatı elektron ticarətin payına düşür. Qalan məbləğin 905 milyon manatı POS-terminallar, 7 milyon manatı isə özünə xidmət terminalları vasitəsilə gerçəkləşdirilib. İlin əvvəlindən ödəniş kartları ilə nağdsız ölkədaxili əməliyyatların həcmi ölkədaxili kart əməliyyatlarının 54 faizini təşkil edib.
Bölmənin digər xəbərləri
