Nanqa Parbat zirvəsində iki avropalı alpinist itkin düşüb
Bakı, 5 mart, AZƏRTAC
Kəşmir bölgəsinin Pakistana aid olan hissəsində yerləşən və “qatil dağ” adlandırılan Nanqa Parbat zirvəsində itkin düşmüş iki avropalı alpinistin axtarışları nəticəsiz qalıb. Dünyanın bu ikinci ən yüksək dağında pakistanlı xilasedicilərin axtarış-xilasetmə əməliyyatları fevralın 24-dən davam edir.
AZƏRTAC Aljazeera telekanalının saytına istinadla xəbər verir ki, əlverişsiz hava şəraitinə rəğmən Pakistan hərbi helikopterlərinin 8,126 metr yüksəkliyə dırmanmış italiyalı Daniel Nardi və şotlandiyalı Tom Ballardın tapılması üçün həyata keçirdikləri uçuşlar dayandırılıb. Sonuncu dəfə bu alpinistlər 6,300 metr yüksəklikdə düşərgə ilə əlaqə saxlayıblar. Pakistanla alpinist Rəhmətulla Baiq AFP agentliyinə bildirib ki, onun avropalı həmkarlarının həyatda qalma ehtimalı getdikcə azalır.
Hindistanla Pakistan arasında gərginliyin artması səbəbindən Kəşmirin mübahisəli Himalay bölgəsində helikopterlərin uçuşu fasilələrlə davam etdirilib.
Bölmənin digər xəbərləri
