NAXÇIVAN MUXTAR RESPUBLİKASININ ALİ MƏCLİSİNDƏ GÖRÜŞ
Ali Məclisin sədri Naxçıvanın zəngin tarixindən, diyarın təbiəti, iqlimi, əhalisi, iqtisadiyyatı, elm və təhsil sahələri haqqında məlumat vermişdir. Vasif Talıbov Azərbaycan, o cümlədən Naxçıvan Muxtar Respublikasi ilə Koreya Respublikası arasında iqtisadi, mədəni, turizm və digər sahələrdə faydalı əməkdaşlıqdan söz açmışdır.
Lyu Kvanq Çul bu ilin mayında Koreya Respublikası Prezidentinin Bakıya rəsmi səfərindən sonra iki ölkə arasında əməkdaşlığın inkişafı üçün böyük perspektivlər yarandığını, öz ölkəsində Azərbaycana, eləcə də onun tərkib hissəsi olan Naxçıvan Muxtar Respublikasına marağın artdığını vurğulamışdır.
O demişdir ki, dahi şəxsiyyətlər yetişdirən Naxçıvan Azərbaycan xalqının ümummilli lideri Heydər Əliyevin ana vətənidir.
Görüşdə turizmin inkişafı müasir informasiya texnologiyalarının tətbiqi, iqtisadi potensialdan, bır sıra faydalı qazıntılardan birgə istifadə olunması, həmçinin Naxçıvan Muxtar Respublikası və Koreya Respublikası bölgələrinin qardaşlaşması, təcrübə mübadilələrinin aparılması və digər məsələlər müzakirə olunmuşdur.
Bölmənin digər xəbərləri
