Naxçıvan şəhərində 10 minə yaxın ünvan lövhəsi və giriş nömrə nişanları quraşdırılıb
Naxçıvan, 12 oktyabr, AZƏRTAC
Bu ilin 9 ayı ərzində Naxçıvan şəhəri üzrə 43 nəqliyyat infrastrukturu obyektində 5265 yeni, müasir dizaynlı ünvan lövhələri və giriş nömrə nişanlarının quraşdırılması işləri aparılıb.
Muxtar respublikanın Daşınmaz Əmlak və Torpaq Məsələləri üzrə Dövlət Xidmətinin mətbuat xidmətindən AZƏRTAC-ın Naxçıvan bürosuna bildirilib ki, layihənin həyata keçirildiyi gündən Naxçıvan şəhərinin 1 prospekti, 71 küçəsi, 30 məhəlləsi və 1 kəndi olmaqla, 103 nəqliyyat infrastrukturu obyektində 10 minə yaxın ünvan lövhəsi və giriş nömrə nişanları quraşdırılıb.
Layihənin həyata keçirilməsi vətəndaşlara və hüquqi şəxslərə ünvan məlumatlarına çevik, vahid və etibarlı çıxış əldə etmək, internet əsaslı elektron xidmətlərdən istifadə, ünvanları asan tapmaq, sosial və idarəetmə məsələlərinin həlli zamanı vaxt itkisini aradan qaldırmaq imkanı verəcək.
Bölmənin digər xəbərləri
