Naxçıvanda memarlığın inkişafına böyük diqqət yetirilir
Naxçıvan, 22 dekabr, AZƏRTAC
Naxçıvanda bir neçə dəfə olmuşam, hər dəfə bu qədim diyara gələndə müsbət mənada böyük dəyişikliklərin şahidi oluram. Bu dəfə biz burada bir çox tarixi məkanlarda olduq, dahi ustadımız Memar Əcəminin yaratdığı abidələri gördük.
Bu sözləri Azərbaycan Memarlar İttifaqı İdarə Heyətinin II Plenumunun iştirakçısı, Azərbaycan Memarlıq və İnşaat Universitetinin professoru Ramiz Əbdülrəhimov AZƏRTAC-a eksklüziv müsahibəsində deyib.
Ramiz Əbdülrəhimov bildirib ki, Naxçıvan şəhərində keçirilən Plenumda Azərbaycan Memarlıq və İnşaat Universitetinin tələbələri də iştirak edirdilər. Çox yaxşı oldu ki, tələbələrimiz Naxçıvandakı tarixi abidələrlə də yaxından tanış oldular.
“Naxçıvan Muxtar Respublikası Ali Məclisi Sədrinin xüsusi qayğısı nəticəsində qədim diyarda memarlığın inkişafına böyük diqqət yetirilir”, - deyən Ramiz Əbdülrəhimov qeyd edib ki, tariximizə, keçmişimizə bu cür diqqətlə yanaşılması insanda qürur hissi yaradır. Çox şadıq ki, bu gün Naxçıvanda istedadlı gənc memarlar yetişir.
Bölmənin digər xəbərləri
