Nazir müavini: Mədəni irsin süni intellekt vasitəsilə analizi istiqamətində işlər həyata keçirilir
Bakı, 9 dekabr, AZƏRTAC
Süni intellektlə bağlı müzakirələrdə üç məsələ aktuallıq kəsb edir.
AZƏRTAC xəbər verir ki, bunu mədəniyyət nazirinin müavini Murad Hüseynov “Əqli mülkiyyət və süni intellekt” mövzusunda beynəlxalq konfransda söyləyib.
Nazir müavini qeyd edib ki, əgər süni intellekt əsasən qlobal dominant mədəniyyətlərin məlumatları üzərində qurularsa, kiçik dillər, folklor irsi və yerli yaradıcılıq ənənələri arxa plana keçə bilər. Bu isə mədəni müxtəliflik üçün ciddi çağırışdır.
“Hazırda rəqəmsal arxivlərin genişləndirilməsi, mədəni irsin süni intellekt vasitəsilə analizi, yaradıcı sənaye layihələrində innovativ və texnoloji həllərin tətbiqi, nağılların, musiqi ənənələrinin, muğam irsimizin, xalçaçılıq motivlərinin və digər milli dəyərlərin rəqəmsallaşdırılması istiqamətlərində geniş fəaliyyət həyata keçirilir”, -deyə nazir müavini bildirib.
Bölmənin digər xəbərləri
