Nəsimi rayonundakı avtogigiyena mərkəzində yanğın baş vermişdir
Bakı, 1 noyabr (AZƏRTAC). Noyabrın 1-də gecə saatlarında Nəsimi rayonunda ümumi sahəsi 3000 kvadratmetr olan avtogigiyena mərkəzində yanğın baş vermişdir.
Hadisə nəticəsində mərkəzin dam örtüyünün 100 kvadratmetri, orada təmirə dayanmış “Mercedes” markalı minik avtomobilinin mühərrik hissəsi, mərkəzə bitişik olan yarmarkanın ərazisində ümumi sahəsi 80 kvadratmetr olan mağazanın lambirdən ibarət tavanı, kondisioner və kassa aparatı yanmışdır.
Alov yanğınsöndürənlər tərəfindən söndürülmüş, hər iki obyektin qalan hissəsi yanğından mühafizə olunmuşdur.
İsmayıllı rayonunun Sulut kəndində isə fəaliyyət göstərməyən, ümumi sahəsi 100 kvadratmetr olan məscidin dam örtüyü yanmışdır.
Yaxınlıqdakı tikililər yanğından mühafizə olunmuşdur.
Fövqəladə Hallar Nazirliyindən AZƏRTAC-a bildirmişlər ki, hər iki hadisə ilə əlaqədar müvafiq qurumlar tərəfindən təhqiqat aparılır.
Bölmənin digər xəbərləri
