“Netflix” “The Crown” serialının son sezonunun ilk treylerini yayımlayıb
Bakı, 27 oktyabr, AZƏRTAC
“Netflix” striminq xidməti noyabrın 16-da nümayişi planlaşdırılan “The Crown” serialının 6-cı sezonunun ilk treylerini yayımlayıb.
AZƏRTAC xəbər verir ki, final mövsümünün iki hissədən ibarət olacağı planlaşdırılıb.
Treylerdə medianın şahzadə Diananın həyatına olan diqqətini görmək mümkündür. Şahzadə Diana rolunu ona bənzərliyi ilə seçilən Elizabet Debiki ifa edib.
Qeyd edək ki, bu sezon da İmelda Staunton Kraliça II Yelizavetanı, Conatan Pris Şahzadə Filip obrazlarını canlandırıblar.
Bölmənin digər xəbərləri
