Nigerin dövlət himni dəyişdirilib
Bakı, 23 iyun, AZƏRTAC
Niger parlamenti ölkənin yeni dövlət himnini təsdiqləyib. 1961-ci ildə fransalı bəstəkarın yazdığı himndən ölkənin “öz müstəqilliyi üçün Fransaya minnətdar olduğunu” ifadə edən sətir çıxarılıb.
AZƏRTAC SABC teleradio kompaniyasına istinadla xəbər verir ki, “Vətən naminə” adlanan yeni himndə müstəmləkəçilik əleyhinə mübarizəni tərənnüm edən bənd mövcuddur. Bəstəkar Moris Alber Tirye tərəfindən yazılan öncəki himndə isə “Yeni azadlığımıza görə qürur duyacaq və təşəkkür edəcəyik” misrası yer alırdı. Çoxları hesab edirdi ki, bu minnətdarlıq keçmiş müstəmləkə dövləti olan Fransaya ünvanlanıb.
Qeyd edək ki, Niger hakimiyyəti 2019-cu ildə yeni himnin yaradılması üçün komitə formalaşdırmışdı. Komitəyə bəstəkarlar, yazıçılar və ictimaiyyət nümayəndələri cəlb olunmuşdu.
Niger 1960-cı ildə müstəqillik qazanıb.
Bölmənin digər xəbərləri
