Nikol Paşinyan Ermənistanın baş naziri təyin olunub
Tbilisi, 2 avqust, AZƏRTAC
Ermənistan prezidenti Armen Sarkisyan Nikol Paşinyanın baş nazir postuna təyin edilməsinə dair sərəncam imzalayıb.
AZƏRTAC xəbər verir ki, bu təyinatdan 15 gün sonra ölkənin Nazirlər Kabineti formalaşdırılacaq.
Baş nazir təyinatından sonra 15 gün ərzində hökumətin tərkibini formalaşdırmalı, eyni zamanda, Nazirlər Kabinetinin proqramını hazırlayaraq prezidentə təqdim etməlidir.
Qeyd edək ki, Ermənistan parlamentində çoxluq qazanmış “Vətəndaş müqaviləsi” fraksiyası baş nazir səlahiyyətlərini icra edən Nikol Paşinyanın namizədliyini bu posta irəli sürüb.
Xatırladaq ki, Ermənistanda növbədənkənar parlament seçkiləri iyunun 20-də keçirilib. Seçkilərdə Ermənistanın baş naziri səlahiyyətlərini icra edən Nikol Paşinyanın Vətəndaş Müqaviləsi Partiyası (71 deputat) qalib gəlib.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
