“Nizami Ganjavi – 880” beynəlxalq onlayn şahmat turnirində Azərbaycanı 4 komanda təmsil edəcək
Bakı, 1 aprel, AZƏRTAC
Aprelin 2-də “Təhsil” Respublika İdman Mərkəzinin təşkilatçılığı, Təhsil Nazirliyi və Azərbaycan Şahmat Federasiyasının dəstəyi ilə Nizami Gəncəvinin 880 illiyinə həsr olunmuş “Nizami Ganjavi - 880” beynəlxalq onlayn şahmat turniri start götürəcək.
AZƏRTAC xəbər verir ki, rapid üzrə keçirilən yarışda ölkəmiz 4 yığma ilə (“Azərbaycan”, “Azərbaycan 2”, “Azərbaycan 3”, “Azərbaycan-Naxçıvan”) təmsil olunacaq. Dəvət olunmuş ölkələrin hər birindən isə 1 komanda iştirak edəcək. Yarış komanda xarakterlidir və İsveçrə sistemi üzrə 9 turdan ibarətdir. Görüşlər 6 lövhədə oynanılacaq. Oyuna nəzarət vaxtı 10 dəqiqə, hər gedişə 5 saniyə artımla nəzərdə tutulur.
Yarışda iştirak etmək üçün ümumilikdə, 24 komanda iştirakını təsdiqləyib. Turnir aprelin 4-dək davam edəcək.
Bölmənin digər xəbərləri
