Norveç paytaxtında yaşayan soydaşlarımız üçün səyyar konsulluq xidməti təşkil edilib
Oslo, 23 dekabr, AZƏRTAC
Azərbaycanın İsveç və eyni zamanda Norveç krallıqlarında səfirliyimizin təşkilatçılığı ilə Oslo şəhərində yaşayan Azərbaycan icmasının üzvlərinə səyyar konsulluq xidməti göstərilib.
AZƏRTAC-ın xüsusi müxbiri xəbər verir ki, səfirliyimizin konsul məsələləri üzrə məsul şəxsi Nail Qocayev tərəfindən Norveçdə yaşayan azərbaycanlılara lazımi kömək göstərilib. Norveçdə yaşayan Azərbaycan icmasının üzvlərinə ehtiyacları olan sənədlərin verilməsi və digər sahələrlə bağlı konsulluq xidmətini təmin edən səfirliyimizin əməkdaşı, həm də soydaşlarımızın sənədləşməyə dair suallarını cavablandırıb.
Görüşün sonunda soydaşlarımıza konsulluq xidmətləri həyata keçirməklə yanaşı, onlara hüquqi yardım edilərək, qanunvericiliyin tələbləri izah olunub.
Rauf Əliyev
AZƏRTAC-ın xüsusi müxbiri
Oslo
Bölmənin digər xəbərləri
