NOYABRIN 21-DƏ AZƏRBAYCAN NEFTİTÜRKİYƏ ƏRAZİSİNƏ DAXİL OLACAQDIR
AZƏRTAC-ın xüsusi müxbiri xəbər verir ki, Türkiyənin energetika və təbii ehtiyatlar naziri Hilmi Gülər Ankarada keçirdiyi mətbuat konfransında bildirmişdir ki, ölkə hökuməti enerji ehtiyatlarının nəqli üzrə bütün layihələrdə fəal iştirak etməklə “boru kəmərlərini birləşdirmək və beləliklə, Ceyhanı Avropanın Rotterdam limanı kimi böyük və əhəmiyyətli bir limana çevirmək niyyətindədir”.
Ankaradakı mənbələrin bildirdiyinə görə, 10 milyard dollar sərmayə yatırılacaq “Türkiyənin Rotterdamı” layihəsi həyata keçirildikdən sonra Ceyhan limanına ildə 200 milyon ton xam neft daxil olacaqdır. Bir neçə marşrut üzrə xam neft və təbii qaz nəqli Türkiyə iqtisadiyyatının inkişafına təkan verəcək, Bosfor və Dardanel boğazlarında sıxlığı, ekoloji təhlükələri aradan qaldıracaqdır.
Bölmənin digər xəbərləri
