Nurlan Novruzovun komandası Litva çempionatında ilk qələbəsini qazanıb
Bakı, 3 may, AZƏRTAC
Futbol üzrə Litva çempionatında səkkizinci turun oyunları keçirilib.
AZƏRTAC xəbər verir ki, azərbaycanlı hücumçu Nurlan Novruzovun formasını geyindiyi “Yonava” da növbəti matçına çıxıb.
Komanda səfərdə “Jalgiris 2” ilə qarşılaşıb. Dörd qolun qeydə alındığı oyun “Yonava”nın qələbəsi ilə başa çatıb - 3:1. Bu, komandanın cari mövsümdə ilk qələbəsidir.
Nurlan Novruzov bu oyuna start heyətdə başlayıb və sonadək mübarizə aparıb.
“Yonava” 8 turdan sonra 4 xalla turnir cədvəlində sonuncu pillədə qərarlaşıb.
Bölmənin digər xəbərləri
