Ödəniş xidmətlərinə nələr daxildir?
Bakı, 22 iyun, AZƏRTAC
Azərbaycanda ödəniş xidmətləri və sistemlərinə nəzarətin hüquqi, təşkilati və iqtisadi əsasları müəyyənləşdirilir.
AZƏRTAC xəbər verir ki, “Ödəniş xidmətləri və ödəniş sistemləri haqqında” Qanunla bağlı məsələ Milli Məclisin İqtisadi siyasət, sənaye və sahibkarlıq komitəsinin iyunun 22-də keçirilən iclasında müzakirəyə çıxarılıb.
Qanun layihəsinə görə, ödəniş xidmətinə aşağıdakılar daxildir:
- Ödəniş hesabı üzrə pul vəsaitinin nağd formada mədaxili və (və ya) məxarici əməliyyatlarının aparılması;
- kredit köçürməsi, birbaşa debitləşmə, ödəniş kartı və ya digər oxşar ödəniş alətləri ilə ödəniş əməliyyatlarının icrası;
- ödəniş alətlərinin emissiyası və (və ya) ödəniş əməliyyatının ekvayrinqi;
- pul köçürməsi;
- elektron pulun emissiyası və elektron pul ilə ödəniş əməliyyatlarının icrası;
- ödəniş əməliyyatlarının aparılması üçün vasitəçilik xidməti;
- hesab üzrə məlumat xidməti.
Bu Qanun dərc edildiyi gündən 3 (üç) ay sonra qüvvəyə minir.
Bölmənin digər xəbərləri
