“ODLAR YURDU”NDA BEYNƏLXALQSİMPOZİUM KEÇİRİLMİŞDİR
Türkiyənin İzmir şəhərindəki Egey Universiteti tibb fakültəsinin beş nəfər professorunun iştirakı ilə Bakıdakı “Odlar yurdu” Universitetində pediatrit-nevrologiya üzrə beynəlxalq simpozium keçirmişdir.
Simpozium iştirakçıları Fəxri xiyabana gələrək xalqımızın ümummilli lideri Heydər Əliyevin məzarını ziyarət etmiş, gül-çiçək dəstələri qoymuşlar.
Universitetdən AZƏRTAC-ın müxbirinə verilən məlumata görə, “Odlar yurdu”nun rektoru professor Əhməd Vəliyev simpoziumu giriş sözü ilə açaraq ölkəmizdə elm və təhsilin inkişafında Prezident Heydər Əliyevin müstəsna xidmətlərindən danışmışdır. Natiq, həmçinin “Odlar yurdu”nun beynəlxalq əlaqələrindən söhbət açaraq demişdir ki, artıq biz Almaniyanın Zingen, Amerikanın Corcia, Şimali Kipr Dövlət Universiteti və Türkiyənin bir çox təhsil ocaqları ilə sıx əməkdaşlıq edirik. İndi bu siyahıya İzmirin Egey Universiteti də daxil oldu. Rektor, həmçinin belə tədbirlərin təlimin və elmi əlaqələrin keyfiyyətini yüksəltdiyindən danışmış, bu işin gələcəkdə də davam etdiriləcəyini vurğulamışdır.
Türkiyədən gəlmiş alimlər simpoziumda məruzə etmiş, hazırladıqları əməkdaşlıq planlardan danışmışlar. Sonra müəllim və tələbələrlə fikir mübadiləsi aparılmışdır.
Sonra qonaqlar universitetin tədris şəraiti ilə tanış olmuşlar.
Bölmənin digər xəbərləri
