OECD ölkələrinin kommersiya neft ehtiyatları azalıb
Bakı, 15 dekabr, AZƏRTAC
İqtisadi Əməkdaşlıq və İnkişaf Təşkilatına (OECD) üzv ölkələrdə kommersiya neft ehtiyatları oktyabr ayında 46,3 milyon barrel azalaraq 3 milyard 145 milyon barelə düşüb.
AZƏRTAC xəbər verir ki, bu barədə Neft İxrac Edən Ölkələr Təşkilatının (OPEC) aylıq hesabatında deyilir.
Bildirilir ki, ehtiyatlar əvvəlki ilin eyni dövrü ilə müqayisədə 252,5 milyon barrel artıb, son 5 ilin orta göstəricisindən isə 200,3 milyon barrel çox olub.
Oktyabrda OECD-nin neft ehtiyatlarının tələbatı ödəyə biləcəyi günlərin sayı 72,2 gün olub, bu da 5 illik orta göstəricidən 10,1 gün çoxdur.
Bölmənin digər xəbərləri
