OĞUZDA PAYIZLIQ SƏPİN MÜTƏŞƏKKİL APARILIR
Oğuz Rayon İcra Hakimiyyətindən AZƏRTAC-ın müxbirinə bildirmişlər ki, cari mövsümdə rayonun taxılçılıq təsərrüfatlarında 15 min hektaradək sahədə payızlıq əkin nəzərdə tutulmuşdur. Təsərrüfatlarda mütəşəkkil taxıl səpini davam edir. Mövsümün əvvəlindən indiyədək 9 min 500 hektardan çox sahədə şum aparılmış və 5 min hektaradək sahədə isə səpin artıq başa çatdırılmışdır. Bu məqsədlə kifayət qədər traktor və digər səpin aqreqatları cəlb olunmuşdur. Fermerlər səpinin optimal müddətdə başa çatdırılması üçün bütün qüvvələrini səfərbər etmişlər.
Xatırladaq ki, bu il Oğuz taxılçıları 15 min hektaradək sahədən 29 min tondan çox məhsul tədarük etmişlər. Gələn il rayonda taxıl istehsalını 30 min tona çatdırmaq nəzərdə tutulmuşdur.
Bölmənin digər xəbərləri
