Oktyabrda Enerji Məsələlərini Tənzimləmə Agentliyinə 242 vətəndaş müraciəti olub
Bakı, 5 noyabr, AZƏRTAC
Bu ilin oktyabr ayında elektrik enerjisi, təbii qaz təchizatı, istilik təchizatı və digər sahələrlə bağlı Enerji Məsələlərini Tənzimləmə Agentliyinə (AERA) birbaşa və Energetika Nazirliyindən daxil olan vətəndaş müraciətlərinin sayı 242 olub.
Agentlikdən AZƏRTAC-a bildirilib ki, ay ərzində elektrik enerjisi təchizatı ilə bağlı AERA-ya 183, təbii qaz təchizatı ilə bağlı 37 müraciət ünvanlanıb, bir vətəndaş müraciəti istilik təchizatı ilə bağlı olub, 21 müraciət digər məsələləri əhatə edib. 242 vətəndaş müraciətinin 3-ü Energetika Nazirliyi ilə müştərək icra olunub, 102 müraciət hazırda baxılma prosesindədir, 5 müraciət müvafiq qaydada baxılması və tədbir görülməsi üçün aidiyyəti qurumlara göndərilməklə, ümumilikdə 120 müraciət agentlik tərəfindən araşdırılaraq cavablandırılıb.
17 məlumat xarakterli müraciətdən 4-ü qaldırılan problemlərin həlli ilə bağlı təşəkkür məktubu olub.
Bölmənin digər xəbərləri
