Oktyabrın 6-da Portuqaliyada parlament seçkiləri keçiriləcək
Lissabon, 1 oktyabr, AZƏRTAC
Oktyabrın 6-da Portuqaliyada növbəti parlament seçkiləri keçiriləcək. Seçkilərdə Sosialist və Sosial-Demokrat partiyaları , Solçu blok, Xalq Partiyası, Birləşmiş Demokratik Koalisiya (kommunistlərin və yaşılların alyansı), “İnsanlar-heyvanlar-təbiət” ictimai birliyi iştirak edəcəklər.
AZƏRTAC xəbər verir ki, təkpalatalı olan Portuqaliya parlamenti dörd il müddətinə seçilən 230 deputatdan ibarətdir.
Hazırkı hökumət planauyğun sosial-iqtisadi siyasət aparır və ictimaiyyətin yüksək səviyyədə dəstəyinə malikdir. Beləliklə, Baş Nazi Antoniu Koştanın başçılıq etdiyi Sosialist Partiyasının qarşıdakı seçkilərdə qələbə qazanmaq üçün bütün imkanları mövcuddur.
A.Koşta ölkənin həyatında “sərt iqtisadiyyat səhifəsini geridə buraxmaq” vədini verir və Portuqaliya infrastrukturunun inkişafı, qeyr-bərabərlik və korrupsiya ilə mübarizə üzrə təsirli tədbirlər görür ki, bu da əhalinin rəğbətinə səbəb olur.
Sosial-Demokratların yeni lideri Rui Fernando da Silvo Rio əhali arasında bu cür yüksək dəstəyə malik deyil.
Solçu partiyaların mövqeyinin sabit qaldığı bir şəraitdə sağ təmayüllü siyasi qüvvələr son illər ərzində bir çox tərəfdarlarının dəstəyindən məhrum olublar. Onların növbədənkənar seçkilərlə bağlı ssenarisi də baş tutmayıb. Bununla bağlı seçki marafonunda heç bir sürpriz gözlənilmir. Son illərin daha bir əlamətdar hadisəsi ondan ibarətdir ki, “yaşıllar” partiyalarının xalq arasında dəstəyi xeyli artıb.
Beləliklə, seçkilər ərəfəsində sosialistlər daha çox ictimai dəstəyə malikdirlər, ikinci yerdə olan sosial-demokratlar isə onlardan xeyli geridədir.
Nigar Cəfərli
AZƏRTAC-ın xüsusi müxbiri
Lissabon
Bölmənin digər xəbərləri
