OLİMPİYA ÇEMPİONLARINA MÜSƏLMAN MÜKAFATLARI
AZƏRTAC-ın xüsusi müxbiri xəbər verir ki, Rusiyanın Müftilər Şurası Pekin Olimpiadasının qaliblərini “Əl-Fəxr” Şərəf ordeni ilə mükafatlandırmışdır.
Rusiya yığması çətin idman mübarizəsində mükafata layiq üçüncü yerə çıxmışdır. Rusiya İslam Mədəniyyəti Mərkəzinin təqdimatı üzrə Müftilər Şurasının qərarı ilə Rusiya Olimpiya Komitəsinin prezidenti Leonid Tyaqaçov, üçqat Olimpiya çempionu Buvaysar Saytiyev, ikiqat Olimpiya çempionu Mavlet Batirov və ikiqat Olimpiya çempionu Yelena İsinbayeva Rusiya Müsəlmanları Birliyinin yüksək mükafatına layiq görülmüşlər.
Mükafatlandırma mərasimini Rusiya Müsəlmanları Birliyinin başçısı, Rusiya Müftilər Şurasının sədri, şeyx Ravil Qaynutdin keçirmişdir.
Bölmənin digər xəbərləri
