“Olimpiya ümidləri” respublika turnirində 150-dən çox tennisçi mübarizə aparacaq
Bakı, 13 iyun, AZƏRTAC
Stolüstü Tennis Federasiyasının təşkilatçılığı ilə “Şüa” İdman-Sağlamlıq Kompleksində 2006-cı il təvəllüdlü və daha kiçik yaşlı oğlan və qızlar arasında “Olimpiya ümidləri” respublika turniri keçiriləcək.
AZƏRTAC xəbər verir ki, yarış iyunun 22-də start götürüb 25-dək davam edəcək. Turnirin keçirilməsində əsas məqsəd federasiya ilə müqavilə bağlamış məşqçilərin işinin, onların yetirmələrinin səviyyələrinin yoxlanılmasıdır. 150-dən çox idmançının iştirak edəcəyi və şəxsi xarakter daşıyacaq turnir dairəvi sistem üzrə və Beynəlxalq Stolüstü Tennis Federasiyasının qaydalarına uyğun keçiriləcək.
Qaliblər Stolüstü Tennis Federasiyası tərəfindən diplom və hədiyyələrlə mükafatlandırılacaqlar.
Bölmənin digər xəbərləri
