On milyonuncu sakinin dünyaya gəlməsi böyük sevincdir
Bakı, 7 aprel, AZƏRTAC
Azərbaycanın 10 milyonuncu sakininin dünyaya gəlməsi böyük bir sevincdir. Bu münasibətlə Prezident İlham Əliyev və birinci xanım Mehriban Əliyeva başda olmaqla bütün xalqımızı nazirliyimizin kollektivi adından təbrik edirəm. Azərbaycan əhalisinin sayına görə dünyanın 247 ölkəsi arasında 88-ci yerdə qərarlaşıb, Avstriya, Bolqarıstan, Belarus kimi ölkələri geridə qoyub.
AZƏRTAC xəbər verir ki, bu sözləri aprelin 7-də "Az avtomobil-çox həyat" devizi altında keçirilən veloyürüşdə iştirak edən ekologiya və təbii sərvətlər nazirinin müavini Firdovsi Əliyev deyib.
"Belə bir deyim var: sağlam bədəndə sağlam ruh olar. Sağlam bədən də təbii ki, sağlam ətraf mühit olan yerdə formalaşır. Ölkə başçısının verdiyi tapşırıqlara uyğun olaraq Ekologiya və Təbii Sərvətlər Nazirliyi Azərbaycanın bütün guşələrində yaşıllaşdırma aksiyasına başlayıb. Həmçinin bu əlamətdar hadisə münasibətilə Ağdaş rayonunda 100 hektardan çox sahədə yüksək keyfiyyətli nar növündən ibarət plantasiya salırıq. Aprel ayı ərzində aksiyalar davam etdiriləcək. Hər kəsi bu kampaniyalara daha fəal şəkildə qoşulmağa çağırıram. Əsas məqsədimiz budur ki, vətəndaşlarımız ekoloji baxımdan sağlam mühitdə yaşasınlar,- deyə nazir müavini bildirib.
Bölmənin digər xəbərləri
