OPEC-in Baş katibi: Neftə investisiyalar yatırılması enerji təhlükəsizliyi üçün çox vacibdir
Bakı, 4 sentyabr, AZƏRTAC
Neftə investisiyalar yatırılması enerji təhlükəsizliyi üçün çox vacibdir. OPEC-ə üzv ölkələr enerji yoxsulluğunun aradan qaldırılmasına kömək etməklə yanaşı, emissiyalarını azaldaraq, gələcək enerji ehtiyaclarını ödəmək üçün lazım olan sərfəli enerjini təmin etməyə hazır və qadirdirlər.
AZƏRTAC xəbər verir ki, bunu Neft İxrac Edən Ölkələr Təşkilatının (OPEC) baş katibi Haysam Əl-Qays deyib.
Onun sözlərinə görə, 2045-ci ilə qədər neft dünyanın enerji tələbatının təxminən 29 faizini təşkil edəcək və bu zamana qədər 12,1 trilyon ABŞ dolları və ya ildə 500 milyard ABŞ dollarından çox investisiya tələb olunacaq. Baxmayaraq ki, son illərdəki səviyyələr bu göstəricidən xeyli aşağıdır.
“Neftə olan tələbatın gözlənilən artımı, davamlı tədarükü təmin etmək üçün daha çox investisiya tələb edir. Bununla belə, bu gün bütün dünyada narahatlıq doğuran reallıq ondan ibarətdir ki, enerjinin bütün növlərinə kifayət qədər sərmayə qoyulmur”, - deyə OPEC-in Baş katibi bildirib.
Bölmənin digər xəbərləri
