OPEK NEFT HASİLATINI ARTIRIR
AZƏRTAC-ın xarici informasiya kanallarından aldığı xəbərdə deyilir ki, OPEK Konfransının sədri, OPEK Baş katibi vəzifələrinin icraçısı, İndoneziyanın energetika və təbii ehtiyatlar naziri Purnomo Yusgiantora bildirmişdir ki, bu təşkilat bir barrel neftin qiyməti 28 dollardan aşağı düşməyincə kvotada nəzərdə tutulduğundan çox “qara qızıl” hasil edəcəkdir. Nazir demişdir ki, ikinci rübdə enerji daşıyıcılarına olan tələbatın mövsümlə əlaqədar azalması nəticəsində neftin qiymətinin aşağı düşəcəyi təhlükəsi hələ də mövcuddur. Onun sözlərinə görə, ikinci rübdə xam neftə olan tələbatın gündə təxminən 2,2-2,4 milyon barrel təşkil edəcəyi gözlənilir.
P.Yusgiantoro hazırda neftin qiymətinin yüksək olmasını (fevralın 25-də OPEK neftinin bir barreli 30,55 dollara qalxmışdı), ilk növbədə, Şimal yarımkürəsində qışın davamlı keçməsi ilə izah etmişdir. Bundan başqa, İraq ölkədaxili siyasi vəziyyətlə əlaqədar gündə təxminən 2,1 milyon barrel neft hasil edir.
Bölmənin digər xəbərləri
