“OpenAI” şirkəti “Statsig” startapını satın alır və sövdələşməni öz səhmləri hesabına ödəyəcək
Bakı, 4 sentyabr, AZƏRTAC
“ChatGPT” süni intellekt platformasının yaradıcısı olan “OpenAI” şirkəti proqram təminatının sınaqdan keçirilməsi üçün alətlərin yaradılması üzrə ixtisaslaşmış “Statsig” startapını satın alır.
AZƏRTAC xarici mətbuata istinadla xəbər verir ki, sövdələşmə tamamilə “OpenAI” səhmləri hesabına ödəniləcək. Şirkətin 300 milyard dollar dəyərində hazırkı qiymətləndirilməsinə əsasən, sövdələşmə təxminən 1,1 milyard dollar təşkil edəcək.
Bildirilir ki, “Statsig”in baş direktoru Vicay Raci “OpenAI” tətbiqləri üzrə texniki direktor təyin ediləcək və ChatGPT və “Codex”in mühəndislik tərtibatına rəhbərlik edəcək.
Sövdələşmə başa çatdıqdan sonra “Statsig” əməkdaşları “OpenAI” komandasına qoşulacaqlar. Eyni zamanda, startap müstəqil fəaliyyət göstərəcək, öz məhsullarını inkişaf etdirməyə və müştəri bazasına xidmət göstərməyə davam edəcək.
Bölmənin digər xəbərləri
