Ordumuzun göstərdiyi qəhrəmanlıqlar böyük sevinc hissi doğurur
Bakı, 30 sentyabr, AZƏRTAC
Xalqımızın keçdiyi keşməkeşli tarixi yol əminliklə onu deməyə əsas verir ki, zamanın hansı təlatüm və fırtınaları ilə qarşılaşsaq da, bütün sınaqlardan mərd və üzüağ çıxmışıq. Səbir etmişik, hər işin zamanını və yerini gözləmişik. Ermənistan 30 ildir torpaqlarımızı işğal altında saxlayıb. Düşmən tərəfindən zəbt edilmiş torpaqlarımızı bu gün qəhrəman ordumuz azad edir. Ordumuzun göstərdiyi qəhrəmanlıqlar böyük sevinc hissi doğurur, ruh yüksəkliyi yaradır.
Bu fikirləri AZƏRTAC-a müsahibəsində Bakı Dövlət Universitetinin filologiya fakültəsinin dekan müavini Anar Fərəcov deyib.
A.Fərəcov bildirib ki, düşmən mütəmadi şəhər və kəndlərimizdə təxribatlar törədir. Artıq səbrimiz tükənib. Beynəlxalq təşkilatlar Ermənistan-Azərbaycan Dağlıq Qarabağ münaqişəsini haqq-ədalətlə həll edə bilmədi. İşğalçılıq siyasətindən əl çəkməyən düşməni döyüşlərdə məğlub etməkdən başqa yol qalmadı. Bu gün şanlı ordumuz düşmənə ağır zərbələr vurur. Qazanılan uğurlar qələbəyə dərin inam yaradır. Qələbə bizimdir.
Azərbaycan Prezidenti, Ali Baş Komandan İlham Əliyevin “Biz birlikdə güclüyük” kəlamını vurğulayan A.Fərəcov bu gün bütün vətəndaşlarımızın qəhrəman ordumuzun yanında olduğunu bildirib.
Bölmənin digər xəbərləri
