Ötən ay əlilliyi olan 2300-dən çox uşağa reabilitasiya xidmətləri göstərilib
Bakı, 21 fevral, AZƏRTAC
Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyinin uşaq reabilitasiya müəssisələri tərəfindən bu ilin yanvar ayında 18 yaşadək əlilliyi olan 2309 uşağa reabilitasiya xidmətləri göstərilib.
Nazirliyin İctimaiyyətlə əlaqələr şöbəsindən AZƏRTAC-a verilən məlumata görə, onlardan 161 nəfəri stasionar, 1406 nəfəri ambulator, 114 nəfəri icma əsaslı, 567 nəfəri onlayn, 22 nəfəri ippoterapiya, 39 nəfəri səyyar reabilitasiya xidmətlərinə cəlb edilib.
Həmin kateqoriyadan olan uşaqlar agentliyin Bakıda yerləşən 1 və 2 saylı Uşaq Reabilitasiya Mərkəzlərində və Qəbələ Uşaq Reabilitasiya Mərkəzində reabilitasiya xidmətləri ilə təmin olunurlar.
Bölmənin digər xəbərləri
