Ötən gün Moskvada koronavirusa 536 yoluxma faktı qeydə alınıb
Moskva, 5 aprel, AZƏRTAC
Ötən gün ərzində Rusiya paytaxtında koronavirusa 536 yoluxma faktı qeydə alınıb.
AZƏRTAC xəbər verir ki, indiyədək Moskvada 207 mindən çox laboratoriya testi keçirilib, ümumilikdə 3893 koronavirusa yoluxma aşkar edilib.
Qeyd edək ki, Moskvada martın 30-dan mayın 1-dək özünütəcrid rejimi elan olunub. Rejim çərçivəsində yalnız işə, yaxınlıqdakı mağazaya və ya aptekə getməyə, ev heyvanlarını evdən 100 metrə qədər məsafədə gəzdirməyə icazə verilir. Moskva meri Sergey Sobyanin sözlərinə görə, Rusiya paytaxtı yüksək risk qrupuna daxildir.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
