Ötən il AFFA-ya daxil olan maliyyə vəsaitinin həcmi açıqlanıb
Bakı, 3 aprel, AZƏRTAC
2025-ci ildə AFFA-ya daxil olan maliyyə vəsaitinin məbləği açıqlanıb.
AZƏRTAC xəbər verir ki, milli assosiasiyaya ümumilikdə 61 milyon 437 min 894 manat vəsait daxil olub.
Gəlirlərin böyük hissəsi Azərbaycan Dövlət Neft Şirkətinin (SOCAR) payına düşür - 26 milyon manat (42,3 faiz).
AzərMaşdan 11 milyon manatdan çox, UEFA-dan 6,4 milyon manat, SOCAR-la qrant müqaviləsindən 5,3 milyon manat və UEFA-dan yayıma görə 4,9 milyon manat daxil olub.
Bundan əlavə, FIFA-dan 2,8 milyon manat, “Paşa Sığorta”dan 1,9 milyon manat, digər mənbələrdən isə 1,2 milyon manatdan çox vəsait əldə edilib.
Hesabatda həmçinin “Paşa Həyat”, “Ensol” MMC, “Carlsberg” və “Azərlotereya” kimi tərəfdaşların da AFFA-nın gəlirlərində pay sahibi olduğu qeyd olunub.
Milli komandalara xərclənən vəsait isə 27 milyon 881 min 267 manat təşkil edib.
Bölmənin digər xəbərləri
