İQTİSADİYYAT
ÖTƏN İL AYRILMIŞ KREDİTLƏRİN YARIDAN ÇOXUNU REGİONLARDAKI SAHİBKARLAR ALMIŞLAR
Fonddan AZƏRTAC-ın müxbirinə bildirmişlər ki, kreditlərin regionlar üzrə bölgüsü belə olmuşdur: Bakı şəhəri-31,95 faiz, Naxçıvan Muxtar Respublikası-6,1 faiz, digər rayonlar 61,95 faiz. Son il yarımda regionlardan ən çox kredit Xaçmazdakı iş adamlarına paylanmışdır. Xaçmazla yanaşı, Qəbələ, Beyləqan, Tovuz, Hacıqabul və Şəmkir rayonlarından olan sahibkarlar da 100 min dollardan artıq kredit almışlar.
Fondun vəsaitlərinin əsas hissəsi kənd təsərrüfatı, yeyinti və tikinti sahəsinə yönəldilmişdir. Kreditlər güzəştli şərtlərlə-illik 7 faizlə verilib. Bu, kommersiya banklarının kreditləri ilə müqayisədə bir neçə dəfə ucuz və uzunmüddətlidir.
Xatırladaq ki, indi hökumət faiz dərəcələrinin azaldılmasını müzakirə edir. Bu qəbul olunsa, sahibkarlar krediti daha böyük güzəştlə - illik 5 faizlə alacaqlar.
Bölmənin digər xəbərləri
