Bərdə, 17 yanvar (AZƏRTAC). Bərdə rayonunda meşələrin mühafizəsi, bərpası və genişləndirilməsi diqqət mərkəzindədir.

Bərdə rayon Meşə Mühafizəsi və Bərpası Müəssisəsindən AZƏRTAC-a bildirmişlər ki, 2011-ci ildə 110 hektar sahədə yeni meşələr salınmış, 818 hektar meşə əkinlərində xidmət işləri aparılmışdır. Kökləndirmək üçün 2 hektar sahədə müxtəlif növlərdən ibarət 100 min ədəd qələm basdırılmış, 1,3 hektar sahədə böyütmə sahəsi yaradılmışdır. 4,6 hektar sahəyə toxum səpilmiş, 1.560 kiloqram toxum tədarük edilmişdir.