Ötən il Şahdağ Milli Parkına gətirilən zubrlar iqlimləşmə dövrü keçdikdən sonra təbiətə buraxılacaqlar
Bakı, 4 mart, AZƏRTAC
Zubrların reintroduksiya layihəsi çərçivəsində Avropanın müxtəlif ölkələrindən Azərbaycana zubrlar təxminən 3 il bundan əvvəl gətirilib - ilk olaraq 8 baş, ardınca daha 4 baş zubr. Bu müddət ərzində zubrlar əraziyə uyğunlaşma prosesindən keçib və onların 5 balası dünyaya gəlib. Zubrlar əraziyə uyğunlaşdığına görə onlar Şahdağ Milli Parkının ərazisində vəhşi təbiətə buraxılıb.
AZƏRTAC xəbər verir ki, bunu Ümumdünya Vəhşi Təbiət Fondunun Azərbaycan nümayəndəliyinin rəhbəri Elşad Əsgərov deyib.
Onun sözlərinə görə, 20 baş zubr Şahdağ Milli Parkının ərazisinə buraxılıb və onların sağlamlığı da qaydasındadır: “Buraya gətiriləndə onlar bəzi infeksion xəstəliklərə yoluxa bilərdilər. Ona görə də vaksinasiyadan keçirdikdən sonra təbiətə buraxdıq. Ötən il 9 baş zubr gətirilib. Hazırda onlar iqlimləşmə dövrünü keçir və bir müddət sonra onlar da təbiətə buraxılacaqlar”.
Bölmənin digər xəbərləri
