Ötən ilin dövlət büdcəsinin icrası ilə bağlı qanun layihəsi parlamentdə üçüncü oxunuşda təsdiqlənib
Bakı, 4 iyul, AZƏRTAC
Milli Məclis “Azərbaycan Respublikasının 2024-cü il dövlət büdcəsinin icrası haqqında” qanun layihəsini üçüncü oxunuşda təsdiqləyib.
AZƏRTAC xəbər verir ki, qanun layihəsi parlamentin iyulun 4-də keçirilən iclasının gündəliyinə daxil edilib.
Qeyd edək ki, 2024-cü il üçün dövlət büdcəsinin gəlirləri 37 milyard 161,8 milyon manat, təsdiq olunmuş proqnoza qarşı 2,1 faiz çox, dövlət büdcəsinin xərcləri 37 milyard 713,6 milyon manat, təsdiq olunmuş proqnoza qarşı 5,1 faiz az və müvafiq olaraq dövlət büdcəsinin kəsiri 551,8 milyon manat və ya təsdiq olunmuş proqnozla müqayisədə 6,1 dəfə az olub.
Bölmənin digər xəbərləri
