Azərbaycan Dövlət İnformasiya Agentliyi

İDMAN

OXATMA ÜZRƏ ÖLKƏ KUBOKUNUN SAHİBLƏRİ MƏLUMDUR

22.11.2005 [19:13]
Çap et
A⁺ A^-

AZƏRTAC xəbər verir ki, “Lokomotiv” İdman-Sağlamlıq Mərkəzində kişi və qadınlar arasında oxatma üzrə ölkə kuboku yarışları başa çatmışdır. Qalib adı uğrunda “Lokomotiv” İSM, “Məhsul” İK, “Spartak” İC və “Zenit” İK-nın 30 yetirməsi mübarizə aparmışdır.

Kişilər arasında Emil Akçurin 566 xal toplayaraq, ölkə kubokuna sahib olmuşdur. Sergey Nəcəfov 539 xalla ikinci, Sergey Kazakov 508 xalla üçüncü yerə çıxmışlar. Qadınlar arasında isə Svetlana Simonova 559 xalla ölkə kubokunu qazanmışdır. Solmaz Həşimova 507 xalla ikinci, Marina Aydarova 504 xalla üçüncü yeri tutmuşlar.

Xatırladaq ki, mükafatçılar noyabrın 25-27-də “Lokomotiv” İSM-in yaranmasının 70 illiyi ilə əlaqədar keçiriləcək beynəlxalq oxatma turnirində ölkəmizi təmsil edəcəklər.