Özbəkistanda koronavirusa yoluxanların sayı 43 minə çatıb
Daşkənd, 4 sentyabr, АZƏRTAC
Son gündə Özbəkistanda COVID-19 koronavirusuna 257 nəfər yoluxub və pandemiya dövründə bu virusa yoluxan xəstələrin sayı 42 min 903 nəfərə çatıb.
AZƏRTAC Özbəkistan Səhiyyə Nazirliyinin mətbuat xidmətinə istinadla xəbər verir ki, son 24 saat ərzində bu virusdan 5 xəstə dünyasını dəyişib və vəfat edənlərin sayı 336 nəfərə çatıb.
Xəstəxanalarda 2 min 391 pasiyent olduğu bildirilir, onların 351-nin vəziyyəti ağır, 181-nin kritikdir.
Vurğulanır ki, son sutkada virusdan 219, pandemiya dövründə isə 40 min 176 xəstə sağalıb.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
