Özbəkistanın Qaraqalpaq Respublikasında havadan içməli su istehsal olunacaq
Daşkənd, 9 iyun, АZƏRTAC
Özbəkistanın Qaraqalpaq Respublikasında havadan içməli su istehsal olunacaq.
AZƏRTAC Özbəkistan mətbuatına istinadla xəbər verir ki, Qaraqalpaqstanın Çimbay rayonunun meteostansiyasında havadan içməli su istehsal edən generator quraşdırılıb.
Bildirilir ki, havadan alınan su ekoloji cəhətdən təmizliyi və faydalılığı ilə bulaq suyundan fərqlənmir, insan həyatı üçün tam təhlükəsizdir.
Materialda bildirilir ki, Qaraqalpaq Respublikasının digər rayonlarında, Xarəzm vilayətində və içməli su problemi olan digər regionlarda da belə generatorların quraşdırılması nəzərdə tutulur.
Qulu Kəngərli
AZƏRTAC-ın xüsusi müxbiri
Daşkənd
Bölmənin digər xəbərləri
