Pakistan, İran, Çin və Rusiya XİN başçıları Səmərqənddə qapalı görüş keçirib
Bakı, 13 aprel, AZƏRTAC
Pakistan, İran, Çin və Rusiya xarici işlər nazirlərinin bu gün Səmərqənddə Əfqanıstanla qonşu ölkələrin nazirlər səviyyəsində konfransı çərçivəsində qapalı görüşü olub.
AZƏRTAC xəbər verir ki, konfransda, eyni zamanda Türkmənistan, Özbəkistan və Tacikistanın xarici işlər nazirləri də iştirak edib.
İştirakçılar Əfqanıstan böhranının siyasi həlli, bu ölkədə humanitar və sosial-iqtisadi vəziyyətin sabitləşməsi məsələsinin təşviqi üzrə növbəti addımları müzakirə ediblər. Görüşdə, həmçinin regional iqtisadi inteqrasiyanın inkişafı, Kabilin iştirakı ilə nəqliyyat və energetika layihələrinin reallaşması barədə danışıqlar aparılıb.
Nazirlər daxili siyasi sabitliyi qorumaq və humanitar böhrana yol verməmək üçün Əfqanıstandakı mövcud hökumətlə qarşılıqlı əlaqə qurmaq barədə razılığa gəliblər.
Bölmənin digər xəbərləri
