PAKİSTANDA TÖRƏDİLMİŞ TERROR AKTINDA 60 NƏFƏR HƏLAK OLMUŞDUR
AZƏRTAC-ın xüsusi müxbiri Frans Press agentliyinə istinadən xəbər verir ki, Pakistanın paytaxtı İslamabad şəhərində çoxlu sayda insan tələfatına səbəb olmuş terror aktı törədilmişdir.
Məlumatda bildirilir ki, paytaxtın mərkəzindəki “Mariott” mehmanxanasının qarşısındakı maşına qoyulmuş 500 kiloqramlıq partlayıcı maddənin işə salınması nəticəsində mehmanxananı alov bürümüş, 300 otaq və 6 restoran tamamilə dağıdılmışdır. Terror aktı zamanı 60 nəfər, o cümlədən Çexiyanın Pakistandakı səfiri və şəxsiyyəti hələlik müəyyən edilməmiş bir amerikalı həlak olmuşdur. Ölənlər arasında uşaq və qadınlar da vardır.
Hadisə zamanı 200 nəfər yaralanmışdır. Onlardan 25 nəfərinin vəziyyətinin çox ağır olduğu bildirilmişdir.
Terror aktı Pakistanın yeni seçilmiş prezidenti Asif Əli Zərdarinin terrorizmə qarşı ciddi mübarizə aparacağı barəsində kəskin bəyanatına cavab olaraq törədildiyi söylənilir.
Bir çox ölkələrin rəsmləri bu hadisədə dünyanın bir nömrəli terror təşkilatı sayılan “Əl-Qaidə”nin lideri Üsəma ben Ladenin əli olduğunu bildirirlər.
Yerli polis terror aktını törətməkdə şübhəli bilinən hindistanlı 3 radikal islamçını həbs etmişdir.
Bölmənin digər xəbərləri
