Papa Fransisk: Sivilizasiyalararası münaqişəni yalnız dialoq yolu ilə həll etmək mümkündür
Vatikan, 5 sentyabr, AZƏRTAC
Bu gün sivilizasiyalararası münaqişəni yalnız dialoq yolu ilə həll etmək mümkündür.
AZƏRTAC xəbər verir ki, bunu Roma Katolik Kilsəsinin rəhbəri Papa Fransisk Monqolustana apostol səfərinin yekunlarını şərh edərkən deyib.
Roma Papası Monqolustana səfərinin məqsədinin katolik icmasını ziyarət etmək, həmçinin bu xalqın tarixi və mədəniyyəti ilə dialoqa girmək olduğunu bildirib.
“Mənim üçün bu səyahət ölkədəki insanları tanımaq, xalqla dialoqa girmək, mədəniyyətini qəbul etmək və kilsəni bu xalqın mədəniyyətinə böyük hörmətlə yanaşmasını təmin etmək idi. Və nəticədən razıyam”, - deyə Papa Fransisk qeyd edib. O, kilsədə və dünyada ideologiyalara qarşı xəbərdarlıq edib.
Roma Papası, həmçinin İtaliya Yepiskopları Konfransının prezidenti, Bolonya arxiyepiskopu kardinal Matteo Zuppinin Müqəddəs Taxt-Tacın Ukraynada sülh missiyasının rəhbəri kimi ötən müddətdə Kiyev, Moskva və ABŞ-da mühüm danışıqlar apardığını da vurğulayıb.
Nihad Budaqov
AZƏRTAC-ın xüsusi müxbiri
Vatikan
Bölmənin digər xəbərləri
