Paşinyan kilsə nümayəndələrini kəskin tənqid edib
Bakı, 30 may, AZƏRTAC
Ermənistanın baş naziri Nikol Paşinyan və onun həyat yoldaşı Anna Akopyan erməni apostol kilsəsinin nümayəndələrini sərt və təhqiramiz şəkildə tənqid edib.
AZƏRTAC xəbər verir ki, Paşinyan sosial media hesabında bu mövzuda bir neçə post paylaşıb. Baş nazir onlardan birində ruhaniləri “onu rahat buraxmağa” çağırıb, digərində Ermənistanda neçə yepiskopun subaylıq andına sadiq qaldığını soruşub. Hökumət başçısının həyat yoldaşı da onları müxtəlif günahlarda ittiham edib.
Ermənistanın baş naziri ilə ruhanilər arasında münasibətlər son illərdə, xüsusən də erməni apostol kilsəsinin rəhbər orqanı - Eçmiədzinin 2020-ci ildə onun istefasını tələb etməsindən sonra pisləşib. Kilsə, həmçinin Qarabağla bağlı siyasətinə görə onu dəfələrlə tənqid edib. Ermənistanın hökumət başçısı ötən il Eçmiədzinin vergiyə cəlb edilməsinin zəruriliyini bəyan edib və kilsəni “təsir agenti” adlandırıb.
Bölmənin digər xəbərləri
