Paytaxt məktəbləri üzrə sınaq qiymətləndirmədə 35 mindən çox şagird iştirak edib
Bakı, 10 fevral, AZƏRTAC
Bakı Şəhəri üzrə Təhsil İdarəsi tərəfindən IX siniflər üzrə sınaq qiymətləndirmə keçirilib.
Təhsil İdarəsindən AZƏRTAC-a bildirilib ki, mövcud epidemioloji vəziyyətlə əlaqədar onlayn formatda təşkil olunan qiymətləndirmədə 35 min 667 şagird iştirak edib.
Sınaq qiymətləndirmə riyaziyyat, ingilis dili və təlim dili üzrə keçirilib. Ümumilikdə 85 sualın (təlim dili 30, riyaziyyat 25, ingilis dili 30 sual) cavablandırılması üçün şagirdlərə 3 saat (14:00-17:00) vaxt verilib. Qiymətləndirmə bitdikdən sonra şagirdlərin topladığı bal ümumi təhsil müəssisələrinə göndərilib.
Qeyd edək ki, sınaq qiymətləndirmənin keçirilməsinin əsas məqsədi şagirdlərin buraxılış imtahanlarına hazırlıq səviyyəsinin müəyyənləşdirilməsindən ibarətdir.
Bölmənin digər xəbərləri
