Paytaxt üzrə qalib olan 69 layihənin icrası reallaşdırılıb
Bakı, 23 iyun, AZƏRTAC
Təhsildə inkişaf və innovasiyalar üzrə VI qrant müsabiqəsində paytaxt üzrə qalib olan 69 layihənin icrası reallaşdırılıb.
Bu barədə AZƏRTAC-a Bakı Şəhəri üzrə Təhsil İdarəsindən məlumat verilib. Bildirilib ki, onlardan 24-ü ümumi təhsil müəssisələri, 45-i isə fərdi layihələr kateqoriyasına aiddir.
Həmçinin VII qrant müsabiqəsi ilə bağlı müvafiq hazırlıq işləri görülüb, təhsil işçiləri üçün təlimlər keçirilib. Yeni müsabiqəyə Bakı şəhəri üzrə 349 layihə qeydiyyatdan keçib. Qeydiyyatdan keçənlərin 56 faizi birinci dəfə müraciət edənlərdir.
Layihənin təşkilində məqsəd təhsil müəssisələri və təhsilverənlər arasında sağlam rəqabətin və innovativ fəaliyyətin stimullaşdırılmasından ibarətdir.
Bölmənin digər xəbərləri
