Paytaxtda yeni qəsəbələrarası müntəzəm marşrut xətti təşkil olunub

10.07.2021 [12:51]
Çap et
A⁺ A^-

Bakı, 10 iyul, AZƏRTAC

Dövlət başçısının Bakıətrafı kənd və qəsəbələr üzrə sərnişindaşımaların yaxşılaşdırılmasına dair tapşırığının icrası istiqamətində işlər davam etdirilir.

Bakı Nəqliyyat Agentliyindən AZƏRTAC-a bildirilib ki, bu çərçivədə 177 nömrə adı ilə yeni qəsəbələrarası müntəzəm marşrut xətti təşkil olunub. Yeni marşrut xətti “Pirşağı” dəmir yolu satansiyasını, Kürdəxanı qəsəbəsi, “Ləhic bağları” və Nardaran qəsəbəsindən keçməklə Maştağa qəsəbəsini əlaqələndirəcək.

Yeni xəttin təşkili sayəsində Nardaran qəsəbəsi, “Ləhic bağları” adlanan ərazidə məskunlaşan əhali müntəzəm marşrutla təmin ediləcək. Bununla da sakinlərin marşrut xətti boyunca yerləşən təhsil müəssisələrinə, iaşə obyektlərinə, habelə yay mövsümü ərzində bağlara, çimərliklərə, istirahət mərkəzlərinə rahat gediş-gəlişi mümkün olacaq. Yeni xətt üzrə avtobuslar iyulun 12-dən fəaliyyət göstərəcək.

İQTİSADİYYAT

Paytaxtda yeni qəsəbələrarası müntəzəm marşrut xətti təşkil olunub

MÜƏLLİFLƏ ƏLAQƏ

Bölmənin digər xəbərləri