Pentaqon Vaşinqtonda Milli Qvardiya əsgərlərinin silahlandırılmasına başlayıb
Vaşinqton, 22 avqust , AZƏRTAC
ABŞ-ın müdafiə naziri Pit Heqset Vaşinqton küçələrində patrul edən Milli Qvardiyanın əsgərlərinin silahlandırılmasını əmr edib.
AZƏRTAC-ın məlumatına görə, bu barədə Pentaqon açıqlama yayıb. Yeni qərarın digər təfərrüatları təqdim edilməyib.
Qeyd edək ki, ötən həftə ABŞ Prezidenti Donald Trampın sərəncamı ilə Milli Qvardiya əsgərləri cinayətkarlıqla mübarizə məqsədilə Vaşinqtona yerləşdirilib.
Hazırda şəhərdə 2 min Milli Qvardiya üzvü fəaliyyət göstərir.
Məlahət Nəcəfova
AZƏRTAC-ın xüsusi müxbiri
Vaşinqton
Bölmənin digər xəbərləri
