“Peşə təmayüllü siniflərin təşkili” layihəsi çərçivəsində 35 sinifdə sürücülük dərsləri keçiləcək
Bakı, 3 avqust, AZƏRTAC
2021-2022-ci tədris ilində “Peşə təmayüllü siniflərin təşkili” layihəsi çərçivəsində 35 sinifdə sürücülük dərsləri keçiləcək.
AZƏRTAC xəbər verir ki, bu barədə layihənin hesabat tədbirində bildirilib. Qeyd olunub ki, layihə çərçivəsində 2021-2022-ci tədris ilində yeni siniflərin açılması ilə paytaxt və bölgələri əhatə etməklə siniflərin sayı 80 məktəbdə 124-ə çatdırılacaq.
Qeyd edək ki, “Peşə təmayüllü siniflərin təşkili” layihəsinin yaradılmasında məqsəd ümumi orta təhsil bazasında təhsilalanların müxtəlif peşələr üzrə ilkin bilik və bacarıqlara yiyələnməsi, peşə ixtisasları barədə məlumatlandırılmaqla əmək bazarına, eləcə də peşə təhsilinə hazırlanmasıdır. Eyni zamanda, təhsilalanlara ilkin sahibkarlıq bacarıqlarının aşılanması, əmək bazarının peşəyönümü hazırlıqlı və əmək qabiliyyətli şəxslərlə təmin edilməsidir.
Bölmənin digər xəbərləri
