“Pfizer” və “BioNTech” şirkətlərinin vaksininin onuncu partiyası Litvaya gətirilib
Vilnüs, 24 fevral, AZƏRTAC
“Pfizer” və “BioNTech” əczaçılıq şirkətlərinin koronavirusa qarşı hazırladığı vaksinin onuncu partiyası ötən gün Litvaya gətirilib. Ölkəyə indiyə qədər ümumilikdə 28 min 80 doza vaksin gətirilib.
AZƏRTAC xəbər verir ki, bu barədə məlumatı Litva Səhiyyə Nazirliyi yayıb.
Bildirilib ki, vaksinlər artıq ölkədəki bütün vaksinasiya mərkəzlərinə paylanılıb və 80 yaşdan yuxarı sakinlərin vaksinasiyası üçün istifadə edilməsi planlaşdırılır.
Qeyd edək ki, Litvada COVID-19-a qarşı vaksinin ilkin dozası ilə 121 min 150 nəfər, ikinci dozası ilə isə 67 min 14 nəfər peyvənd olunub.
Asiman Əsədov
AZƏRTAC-ın xüsusi müxbiri
Vilnüs
Bölmənin digər xəbərləri
